Ginpaandaman sang City Legal Office sang Bacolod City ang mga establishmento nga wala sang business permit ukon on-process ang business permit nga pagasirad-an ang ila nga negosyo.
Suno kay Bacolod City Legal Officer Atty Romeo Carlos Ting Jr, padayon ang ila nga inspeksyon sa mga negosyo sa ciudad kasunod sang luyag ni Bacolod City Mayor Alfredo Albee Benitez nga one side policy sa pagpasirado sang mga negosyo nga on process ang business permit.
Suno diri, sa tion nga kumpleto na ang dokumento sang establishmento kag ini ang may business permit na, mahimo lamang ini nga mabuksan sa liwat.
Pahayag ni Ting, ang “on process business permit” ang masami nga ginarason sang mga negosyante kag kun ini ang pabay-an lang, tubtob sa katapusan, ini ang indi pag-iprocess sang mga negosyante.
