Pagastriktuhon sang Bacolod City Legal Office ang pagbaligya sa Libertad Public Market nga dapat ang mga vendors ang magabaligya sa sulod sang Annex building.
Suno kay Bacolod City Legal Officer Atty. Romeo Carlos Ting Jr. ini agud nga maobligar ang mga vendors nga magsaka sa annex building ukon sa 2nd floor sang Libertad Public Market.
Apang, aminado man ini nga madamo sang nagapangduha-duha nga mag-avail sa pwesto bangod nga madamo sang nagabaligya sa dalan nga mas gina-una nga baklan sang mga tawo kumpara nga magsaka pa sila sa merkado.
Dugang pa ni Ting, striktuhon ang mga vendors agud maggamit ang building bangod nga sarang man nila nga magbayad sang dako nga arkila sa bagsakan nga area apang sa sulod sang merkado nga manubo lang ang arkila wala sila sang gana.
Apang, ini tanan ang nakadepende pa kun ano ang maayo nga solusyon nga iga-endorso kay Bacolod City Mayor Alfredo ‘Albee’ Benitez
