Gin-athag ni Bacolod City Legal Officer Atty Romeo Carlos Ting Jr. nga wala ginapahanugotan ang pagpamutang sang signage, poster ukon tarpaulin nga wala sang permit.
Suno kay Ting, dapat may yara sang permit nga naggikan sa Business Permit and Licensing Office (BPLO) antes mamutang sang mga posters.
Suno pa diri, may yara sang duration kun tubtob san-o nga mabutang ang mga posters kag kun ini ang maglapaw sa nakasugtan nga oras dapat nga kakason ang mga ini.
Sa karun, may yara sang pila ka mga posters sang mga pulitiko ang makit-an kag suno kay Bacolod City Election Officer Atty Revo Sorbito, wala pa sila sang guidelines gikan sa Commission on Elections angot sa mga campaign posters apang suno kay City Legal Officer Ting Jr, bangod nga wala pa naka-umpisa ang campaign period dapat ang mga posters nga ginapanapik may yara sang permit.
