Natukiban sang Bacolod City Legal Office ang guba nga X-ray machine kag mga expired nga X-ray films sa Bacolod City Health Office.
Suno kay Bacolod City Legal Officer Atty. Karol Joseph Chiu, gin-umpisahan sang tinalikdan nga semana ang pag-inventory kag tubtob sa karun padayon pa ang pagstekyar sa mga gamit kag supply sa opisina.
Suno diri, natukiban nga ang X-ray machine masobra duha ka tuig na nga wala nagagana kag ang nagagana lamang ang X-ray sa mobile.
Suno kay Chiu, kun magpa X-ray ang mga tawo ginahambalan sila nga sa gwa lang magpa X-ray bangod guba ang machine sa opisina.
Ini kun tani makabulig sa mga pumuluyo agud libre ang ila X-ray para sa mga indigents kag kun indi man, bisan papaano manubo ang ila bayaran.
Samtang ang mga vaccine sa rabies naman natukiban man nga malapit na mag-expire.
Pahayag ni Chiu, bilang City Health Office dapat may yara gid sang X-ray machine kag dapat indi guba ukon kulang ang mga gamit para makaserbisyo sang insakto.
