Nagapanawagan ang Bacolod City Legal Officer sa mga ambulant vendors sa downtown area sang ciudad nga sundon kun ano ang nakasaad sa ordinansa sang ciudad agud nga makapadayon sila sa pagbaligya.
Sa interview sang Bombo Radyo Bacolod kay Atty. Romeo Carlos Ting Jr., nakasaad sa ordinansa nga dapat pwede masaylo ang balaligyaan sang mga sidewalk vendors kag 1 meter by 1 meter ang kataason kasubong kasangkaron sang ila balaligyaan.
Suno kay Ting, dapat nga magsunod ang mga ini agud nga indi na magreklamo ang mga may stalls nga nagakatabunan na ang ila mga puwesto.
Suno diri, kun magsige na ang reklamo sang mga vendors sa downtown, mapilitan ang ciudad nga indi na ang mga ini pagpasugtan nga makaplastar sa higad sang dalan agud makabaligya.
Identified naman ang mga ambulant vendors sa ciudad bangud ginmapping naman ang mga ini kag ginhatagan sang mga identification cards.
