Gin-athag sang Bacolod City Legal Officer nga nakasaad sa ordinansa sa ciudad sang Bacolod nga ginapahanugutan nga makapatigayon sang rally-protest sa Bacolod Public Plaza nga wala nagakinahanglan sang permit nagikan sa Local Government Unit.
Sa interview sang Bombo Radyo Bacolod kay Atty. Romeo Carlos Ting Jr., wala ini nakahibalo kun san-o nag-apply sang permit ang transport group para sa patigayunon nga rally-protesta apang wala na nagakinahanglan sang permit kun magpatigayon sang rally sa Bacolod Public Plaza, importante lamang nga wala sang magluntad nga kinagamo kag indi madisturbo ang dalagan sang trapiko.
Suno kay Ting, may yara man sang nagsaka sa Bacolod City Government Center agud nga magreklamo nga sila ang ginaharass sang mga nagarally nga mga miyembro sang transport group bangud wala sila nag-upod.
Kun kinahanglan nga magpatigayon sang rally-protest, dapat tatlo ka adlaw antes sila magpatigayon sini sila ang nakapahibalo na sa City Government para sa ila nga permit kun indi sa Bacolod Public Plaza ang ila nga venue.
