Ginpahayag ni Bacolod City Lone District Congressman Greg Gasataya nga bukas ang communication line nila nga duha ni Bacolod City Mayor Alfredo Albee Benitez ilabi na kun para sa ciudad ang istoryahan.
Kahapon magkaupod ang duha nga nagpartsipar sa pagdonate sang 20,000 bags sang tag lima ka kilo nga bugas sa mga senior citizens kadungan sang 88th birthday sang Lo Patriarch.
Sa interview sang Bombo Radyo kay Congressman Greg Gasataya, ang diskusyon nila nga duha sang alkalde, ang kalabanan natuhoy sa trabaho kag pagserbisyo sa ciudad.
Suno diri, may yara sang insakto nga tion para esturyahan ang pulitika.
Samtang, ginkalipay naman sini ang pag-apruba sang House Bill 8255 sa third kag final reading sa senado.
Ang ini nga hagna ang nagatuyo nga magtukod sang dugang nga duha ka municipal trial court sa ciudad sang Bacolod agud nga mapadasig ang paghatag sang hustisya kag pagpalab-ot sang resolusyon.
