Nagapati si Bacolod City Lone District Congressman Greg Gasataya nga indi na dapat pagpadalman ang mga statement nga gin-issue ni Iloilo City Mayor Jerry Treñas bangud mag-abyanay ang duha ka alkalde kag mas maayo man kun may kompetisyon ang mga LGUs.
Suno kay Gasataya, maayo ang pag-abyanay nanday Treñas kag Benitez bangud magkaupod ang mga ini sadto sa Kamara kag sila man ang nagpanguna agud nga matukod ang Visayan bloc.
Suno diri, indi naman dapat pagsapakon ang mga statements bangud nagpagwa naman sang mensahe si Treñas nga ginasuportahan niya ang development efforts sang Bacolod kag Region 6.
Nagapati si Gasataya nga maayo kun may yara sang kompetisyon sa mga local government units bangud patimaan ini sang maayo nga dalagan sang ekonomiya.
