-- ADVERTISEMENT --
Nakig-angot na si Bacolod City Lone District Congressman Greg Gasataya sa Bacolod City Police Office angot sa ginpost sa social media nga gina-alegar pagpamahog sa kabuhi niya.
Sa interview sang Bombo Radyo kay BCPO Director Police Col. Joeresty Coronica, nagkoordinar na ang kongresista sa iya kag iya naman napahibalo ang Anti-Cybercrime group.
Suno diri, gina-imbestigaran na ang identity sang nagpost sang litrato ni Gasataya nga nakablack and white kag may petsa nga 1970-2025 nga kaangay nagapakita nga tubtob na lamang sa karun nga tuig ang kongresista.
Ila man sa karun ginahibalo kun ano ang rason kag kun ano ang luyag nga ipalab-ot sang tawo nga nagpost sang litrato.
