Magasugod na ang Bacolod City sa pagbakuna sang mga menor-de-edad nga may mga comorbidities batok sa COVID-19 sa Nobyembre 5.
Ang mga minors nga nalakip sa “Pediatric A3” priority group ukon mga persona nga naga-edad 12 tubtob 17-anyos kag nagasuprer sang comorbidities.
Suno sa Emergency Operations Center- Task Force (EOC-TF), madugay na nila ginahulat ang vaccination sang mga minors.
Santo sa statement, naghatag na ang DOH sang greenlight para sa ‘Pediatric A3,’ kag handa na nga opisyal nga magsugod sang rollout kag bakunahan batok sa COVID-19.
Gindugang man sang EOC-TF nga ang vaccination sang mga menor-de-edad ang kabahin sang proteksyon sang high risk ukon vulnerable groups.
Suno sa DOH, ang Pediatric A3 vaccination ang magafocus sa mga menor-de-edad nga nagasuprer sang comorbidities kaangay sang HIV, cancer, tuberculosis kag iban pa.
Kwalipikado man ang mga minors nga may down syndrome nga mabakunahan sa idalum sang sini nga category.
Gindugang man sang ahensya nga Moderna kag Pfizer vaccines lamang ang igaadminister sa mga menor-edad.
Suno kay EOC Executive Director Em Ang, nagamasterlisting na sa ila sang mga naga-edad 12 tubtob 17 anyos bilang preparasyon sa rollout sang vaccines para sa Pediatric A3 sa Nobyembre 5.
Ang mga ginikanan sang mga menor-de-edad sa idalum sang Pediatric A3 group ang sarang makaregister sang ila mga kabataan paagi sa sini nga link: https://tinyurl.com/bcdceirminors.
Samtang ginaabisuhan naman sang DOH ang mga minors nga wala nalakip sa Pediatric A3 grouo nga padayon nga magsunod sa COVID-19 health protocols kaangay sang pagsuksok sang face mask, social distancing kag hand hygiene.
