Ginkumpirmar sang pinuno sang Bacolod City Veterinary Office nga may yara sang apat ka baboy sa Bacolod City nga ginpaidalom sa testing nga nagpositibo sa African Swine Fever.
Suno kay Dr. Agueda dela Torre, duha ka Barangay ang nag-report nga may kaso sang nagkalamatay nga baboy.
Suno kay Dela Torre, nagkuha sila sang blood sample sang mga buhi nga baboy nga kaupod sang mga reported nga mga nagkalamatay.
Apat tanan ka mga baboy ang ginkuhaan sang blood sample kag ginpadala sa Iloilo para sa testing kun sa diin ang positibo ang resulta.
Ini ang nagikan sa Purok Riles, Barangay Alijis kag Purok 5, Barangay Taculing.
Suno diri, ang tikang sang ciudad amo ang pagbutang sagihapon sang border control agud nga ang mga baboy nga yara na sa sulod sang ciudad ang indi na makagwa kag ang gikan sa gwa ang indi na makasulod.
Ang Bacolod City Vaterinary Office ang magapatigayon man sang Information Education Campaign angot sa African Swine Fever sa mga Barangay nga natumod nga may hog population.
