Madamo sang napreparar nga aktibidad ang ciudad sang Bacolod sa pagselebrar sang Nutrition Month subong nga bulan.
Sa interview sang Bombo Radyo kay Myrrah Lei Unson, Registered Nutritionist-Dietitian sa Bacolod City Health Office, ang tema sa karun amo ang ‘Food at Nutrition security maging priority! Sapat na pagkain karapatan natin’.
Suno diri, nag-launching sila sang Hunyo 30 kag sige-sige na ang ila mga activities para sa isa ka bulan nga selebrasyon.
Sa Hulyo 18 may yara sang BNS Sportsfest; sa Hulyo 23 may food bearing planting activity kag kada Martes may yara sang Nutrition on air-live kag kada Biyernes may yara sang Kadiwa market samtang sa masunod nga semana may yara sang little farners activity.
Suno kay Unson, paagi sini mas mapractice pa gid ang good eating habits kun sa diin dapat sundon ang MOBAVA ukon Moderate, Balance kag Variety of foods kun magkaon.
Apang mas maayo suno diri nga mas maayo magkaon sang plant based food kag limitahan ang sugar kag fat.
Gina-ingganyo sini sa karun ang tanan nga insaktohon ang pamatasan sa pagkaon para sa ikaayong lawas.
