Magluwas sa pagpanagtag sang libre nga school supplies, ginbida man ni Bacolod City Mayor Alfredo ‘Albee’ Beniteza nga naaprubahan na sang School Board ang pagtakod sang wifi connections sa mga classrooms.
Ini kasunod sang ginpatigayon nga kick off ceremony sa Rizal Elementary School sa paghatag sang libre nga School Supplies sa tanan nga elementary students kalakip ang Kinder Garten sa Bacolod City.
Suno kay Benitez, nagnubo ang numero sang benepisyaryo bangod sa una nga pagpatigayon sang pagpanghatag sang school supplies sila ang nakahatag sa 72,000 ka mga estudyante, apang 65,000 students lamang ang enrolled subong nga tuig.
Ang paghatag sang school supplies ang dako na nga bulig sa mga estudyante.
Apang magluwas diri, ginpabugal sang alkalde nga naaprubahan na sang school board ang pagtakod sang wifi sa mga classrooms nga ginpainan sang budget nga P67 million.
Paathag sang alkalde nga ini ang katumanan sang isa sa iya promisa sa tion sang kampanya.
Ini ang ginalantaw naman nga makabulig agud mas mapalapad ang access sang mga manunudlo kag estudyante sa impormasyon.
