Wala ginatolerar sang alkalde sa ciudad sang Bacolod ang “Save the King” political culture.
Sa mensahe ni Bacolod City Mayor Alfredo “Albee” Benitez, ang isa sa luyag sini nga islan nga political culture amo ang ginatawag nga “Save the King” nga santo man sa ginhambal ni Councilor Al Victor Espino nga nakaandan na.
Suno kay Benitez ang “Save the King” ang nagakahulugan nga bisan ano ang matabo kag bisan ginalapak-lapakan kag ginadagdag na ang mga kaupdanan, basta salbaron gid ang hari.
Suno diri, indi sini pag-itolerate ang kaangay nga kultura bangud indi ini magpasugot nga ang iya mga upod ang mabilin.
Suno sa alkalde, kun Team Asenso ang ginahambalan, ini ang nagatumod sa isa ka grupo nga ang nagapamuno ang nagadumdom sa tanan nga yara sa grupo kag indi nga para lamang sa mga lideres.
Ginpahayag man ni Benitez nga sa kada piniliay kag tion sang pagkampanya ang character sang tawo ang nagagwa kag diri mahibaluan ang ila panindugan.
