Nagpaschedule sang meeting si Bacolod City Mayor Alfredo “Albee” Benitez sa bag-o nga tiglikom sang Department of Transportation (DOTr).
Sa press conference kaina, ginpahayag sang alkalde nga siya ang makighinun-anon kay DOTr Secretary Vince Dizon agud hibaluon ang update sa Jeepney Modernization Program.
Pahayag ni Benitez, nga indi ini fan sang modernization.
Ilabi na nga madamo sang mga kooperatiba nga naga-ilinaway internally.
Ginapanindugan sang alkalde nga indi dapat piliton ang mga drivers nga magpaconsolidate kun mabuhinan ang ila income sa adlaw adlaw kag indi man makabawi.
Madumduman nga may pila na ka resolusyon nga ginpadala ang Sangguniang Panlungsod angod sa concern sang mga unconsolidated traditional jeepney drivers and operators, nga nagapabilin pa nga pending.
Suno kay Benitez, dapat nga magpangita sang win-win solution nga indi mamierdihan ang mga drivers.
Sa pihak sini, amat-amat naman nga nagamigrate ang Bacolod City sa Electric Jeepneys.
Suno diri, may pila na nga nagpabutyag sang interes sa paggamit sang e-jeep bangod magluwas nga ini ang may manubo nga generation cost, sila ang indi pa apektado sang pagtaas sang presyo sang gasolina.
May-ara naman sang tatlo ka routa nga himuon nga green route, ukon italana sa pagbyahe sang mga e-jeep.
Nagalaom si Benitez nga matun-an nga lantawon ang economic point of view, kag kun diin ang makahatag benepisyo sa kadam-an.
