Ginapahalong sa karun ang mga residente sa bag-o nga variant sang COVID19 nga ginatawag nga Flirt Variant.
Suno kay Bacolod City Mayor Alfredo ‘Albee’ Benitez, indi na bag-o ang virus para sa tanan kasunod nga naeksperyensyahan na sadto ang pag-igo sang pandemic.
Apang, nagpanugyan ini nga kun mahimo, magsuksok na gid lamang sang facemask.
Suno sa alkalde, nakig-angot na ang City Health Office sa mga Barangay Health Workers para mahatagan sang impormasyon ang barangay sa pag-address sang Flirt variant.
Naghatag man sang paandam si Bacolod City Councilor Claudio Jesus “Kalaw” Puentevella, chairperson sang Committee on Health and Sanitation sa Sangguniang Panlungsod, sa mga pumuluyo nga maghalong kag magulu-aligmat sa palibot nga kun mahimo likawan ang pagkadto sa matawo nga lugar.
