Ginpahayag ni Bacolod City Mayor Alfredo ‘Albee’ Benitez nga lauman nga matapos ang underground cabling antes pa man ang Masskara Festival sa masunod nga tuig.
Suno sa alkalde, 8 kilometer ang dapat nga mapatigayonan sang underground cabling apang target anay sa karun ang 1 kilometer nga matapos sa Oktubre sa masunod nga tuig.
Ang 1-kilometer underground cabling ang maga-umpisa sa South Capitol Road tubtob sa BS Aquino.
Sa karun, ginatinguhaan nga makakuha sang excavation permit sa bulan sang Disyembre agud nga maumpishan na sa Enero sa masunod nga tuig ang proyekto.
Ang phase 1 sang proyekto ang may budget nga P43 million samtag ang phase 2 naman sini ang may budget nga P36 million, kag may kabug-usan nga P79 million nga pondo.
Pahayag sang alkalde, magakoordinar ang Local Government Unit sa Negros Electric and Power Corporation (NEPC) kag telecommunications companies sa pagpatigayon sang Underground Distribution System Project.
