Naghatag ang alkalde sang ciudad sang Bacolod sang food vouchers agud nga ibulig sa mga tenants sang manokan country nga nagsaylo na sa ila nga temporaryo nga pwesto sa north wing sang isa ka mall sa reclaimation area sa ciudad sang Bacolod.
Sa interview kay Councilor Celia Flor, chairperson sang City Council committee on markets sa Sangguniang Panlungsod, ang food vouchers ang nagabalor sang P500,000 ang naprint na kag napanagtag sa mga konsehal sang ciudad.
Suno kay Flor, personal ini nga gasto sang alkalde sang ciudad.
Ang food vouchers ang nagabalor sang P150 kada isa, ang ginhatag sang alkalde bilang sabat sa mga ginpadangat nga concerns sang mga tenants nga mabudlayan ang mga ini sa pagganyat sang mga customers kun ang mga ini ang magahalin sa ila daan nga mga stalls.
Suno kay Flor ang mga vouchers ang may QR code kag iscan lang ini sa tion nga gamiton.
Gin-athag man sang konsehal sang ciudad nga ang vouchers ang may pangalan sang stall kag didto lang ini dapat gamiton.
Suno diri, ginpangalanan ang mga vouchers sang pangalan sang stalls agud nga masalama ang mga stalls.
Ang vouchers ang ginhatag man sang alkalde sang ciudad agud nga maengganyo man ang iban nga stall owners sa pagsaylo sa ila temporaryo nga stalls.
Ginabantayan man sa karun ang daan nga stalls sang manokan country kun siraduhan samtang nagapadayon ang renovation sini.
