Naglibot ang alkalde sang ciudad sang Bacolod sa mga evacuation centers kun sa diin una sini nga ginpadulungan ang opisina sang City Disaster Reduction Management Office Command Center.
Ini agud nga masiguro nga ang tanan nga kinahanglan sang mga pumuluyo sa ciudad ang mahatag.
Sa interview kay Special Assistant to the Mayor Engr. Mae Cuaycong, nagpadulong man ang alkalde sa City Health Office agud masiguro nga nakaplastar ang mga doctors kag mga health personnel.
Ginhatagan naman sang bulong ang mga nagahilanat nga mga residente.
Suno kay Cuaycong nakapatigayon naman ang mga health personnel sang check-up sa mga kabataan nga nagaubo kag hilanat sa sulod sang evacuation center.
Nakahatag naman ang ciudad sang mga non-food items sa mga evacuees.
Ginpasalamatan man sang alkalde ang tanan nga nagpadala sang bulig para sa mga evacuees.
