Ginpahayag sang alkalde sa ciudad sang Bacolod nga wala sang sacred cow sa pagpatuman sang anti-illegal drugs operation sa ciudad.
Ini ang kasunod sang impormasyon nga may yara sang barangay officials nga imbulbado sa illegal nga druga.
Suno kay Bacolod City Mayor Alfredo “Albee” Benitez, kun may yara sang ebidensya nga nagatudlo kun sin-o ang imbulbado sa illegal nga druga dapat lagson kag dakpon.
Magluwas nga dakpon, may yara man sang pag-edukar sa mga ini nga indi maayo ang paggamit sang illegal nga druga.
Samtang ginpasalig naman sang Department of the Interior and Local Government (DILG) sa ciudad sang Bacolod nga hugot nila nga ginamonitor ang Barangay Anti-Drug Abuse Council (BADAC) sang 61 ka barangay sa ciudad sang Bacolod.
Gin-athag ni Christian Nagaynay, City Director sang DILG-Bacolod, nga wala gid man ginahingadlan ang mga personalidad nga nagaparehabilitate nga involved sa illegal nga druga bangud may yara sang confidentiality agreement nga ginapirmahan.
Suno kay Nagaynay kaangay sang iban nga kaso nga kun may final judgement na ang indibidwal ang makakas sa opisina.
Ini ang kasunod sang impormasyon nga may yara sang barangay officials nga imbulbado sa illegal nga druga.
Samtang ang BADAC sa 61 ka mga barangay sang ciudad ang nagasunod man sa requirements sang DILG nga dapat kada bulan ang nagaconvene kun sa diin nagapasa ang mga ini sang minutes of meeting bilang pamatuod.
