Matapos nga nagpositibo sa illegal drug use ang pila ka mga job order casuals sang Bacolod City government, nagpaidalom man sa drug test si Mayor Alfredo Benitez.
Nagikan sa 640 ka personnel sang Bacolod Traffic Authority Office kag Public Order and Safety Office, 6 to 10 percent ang nagpositibo sa illegal drug use.
Igaterminate sa trabaho ang mga job order casuals sang Bacolod City government nga nagpositibo sa illegal drug use kadungan sang surprise drug test.
Igapaidalom man ini sa rehabilitation kag kun matapos na kag makit-an nga nagbag-o na sa kabuhi, mahimo nga ireconsider ini kag pabalikon sa trabaho.
Kasunod sang surprise drug test sa POSO kag BTAO personnel, nagpaidalom man sa drug test si Mayor Alfredo Benitez sa Bacolod City Government Center agud mangin ehemplo sa mga empleyado kag negatibo ang resulta.
Ang drug test gamit ang urine sample ang ginpatigayon sang Bacolod City Health Office.
