Nagapanawagan ang alkalde sang Bacolod City sa mga suspek nga nagpatay sa 20 anyos nga estudyante sa Barangay Granada ciudad sang Bacolod sa atubang mismo sang iya amay nga magsungka na kasubong man ang mga suspek sa ginaalegar rape.
Madumduman nga gintiro sang suspetsado si Nicus Balagusa sang apat ka beses sa dughan kag paa samtang yara sa sulod sang kwarto ang mga ginikanan sini.
Sa interview sang Bombo Radyo Bacolod kay Punong Barangay Atty. Caesar Distrito sang Barangay Sincang-Airport kag spokesperson ni Bacolod City Mayor Alfredo “Albee” Benitez, ginapaalinton sang alkalde nga sa mga suspek sa pagpatay kay Nicus nga magsungka na kasubong man ang mga suspek sa ginapahayag nga pagpanghimulos sa menor de edad.
Suno kay Distrito, kun indi magsungka ang mga suspek ginmanduan naman sang alkalde si Bacolod City Police Office Director Police Col Noel Aliño nga himuon ang tanan agud nga madakpan ang suspek kag mapanabat sa ginhimo nga krimen.
Suno pa kun magsungka ang mga suspetsado magapaidalom ang mga ini sa due process kun sila ang guilty apang kun indi dapat magsungka man sila agud depensahan ang ila nga pangalan.
Suno diri, masakit man para sa alkalde ang natabo sa 20 anyos nga biktima bangud ini ang isa man ka amay.
Ginpahayag man sini nga kun magsungka ang mga suspek mahimo pa ang ini makaavail sang mitigating circumstance sa tion nga sila ang mapamatbatan sang korte nga guilty.
