-- ADVERTISEMENT --
Ginpahayag sang alkalde sa ciudad sang Bacolod nga humalin sang nagpungko siya sadtong 2022 tubtob subong nga 2023, pagplano kag preparasyon lang ang natabo para sa iya mga luyag matabo sa ciudad bangud man sa bureaucracy sang gobyerno.
Suno kay Bacolod City Mayor Alfredo “Albee” Benitez, sa tuig 2024 sarang na nga makita sang publiko ang full implementation sang sini nga mga programa kalakip na ang mga infrastructure programs.
Duha sa mangin prayoridad nga programa sang administrasyon ni Benitez para sa masunod nga tuig 2024 amo ang sa bahin sang social services kag health program.
Nagapati man ang alkalde nga kulang ang isa ka termino agud mapatuman ang tanan nga mga programa.
