Ginpahayag sang City Director sang Bacolod City Police Office nga magahatag sang padya nga P30,000 si Bacolod City Mayor Alfredo “Albee” Benitez sa makatudlo sa atlarge nga suspetsado nga nagtiro sa mag-asawa sa Barangay Tangub pasado alas 10 ang takna sang gab-i sadtong Enero 21, 2024 kun sa diin ginbawi-an sang kabuhi si Danilo kag samaron naman si Cindy.
Suno kay Police Col. Joeresty Coronica, ang nasambit nga shooting incident ang may duha ka suspek kun sa diin ang isa ang nadakpan sang May 30, 2024.
Suno kay Coronica, ang isa ang atlarge kag ginkilala nga si Jonard Sampilo.
Suno diri, siya ang ginpahibalo sang Office of the Mayor nga ang alkalde ang magahatag sang P30,000 nga reward money agud maaresto ang atlarge suspek nga residente sang Punta Bato, Barangay Tangub, Bacolod City samtang nadakpan naman si Juvanie Pelonio, lunsay tumandok sang Brgy. Guiljungan, banwa sang Cauayan.
Nagpanawagan ini sa publiko sa nakakita kay Sampilo makig angot lamang sa mga kapulisan agud madakpan bangud ini ang gindagdagan na sang warrant of arrest.
