Ginpahayag sang alkalde sa ciudad sang Bacolod nga ang mga empleyado kag job orders ang dapat nagatrabaho kag indi na pagintrahan sang mga pamulitika.
Suno kay Bacolod City Mayor Alfredo “Albee” Benitez, dapat unahon ang governance kag limitahan ang pamulitika.
Suno kay Benitez, ginakasubo sini nga sa nakaligad nga administrasyon kalabanan sa mga job orders sang ciudad ang ginagamit para sa political purposes gani luyag niya sini bag-uhon.
Suno diri, luyag niya nga masiguro nga ang mga job orders ang nagatrabaho kag magahire lamang sang insakto nga matapos lamang ang mga trabaho.
Ginpahayag man sini nga hingyuon sini ang Civil Service Commission nga magapagwa sang statement nga ang mga job orders ang indi dapat mag-intra sa politika.
Ang mga wala naman nagatrabaho ukon non performing ang wala na ginarenew pa ang contrata kag wala ini sang kahilabtanan sa politika.
Samtang nagnubo naman ang ginagasto sang ciudad sa job oders kun sa diin sang 2021 tubtob 2022 nagdangat ini sa P700 million annually apang sa karun nagasobra lamang ini sa P400 million.
