Ginduso ni Bacolod City Mayor Alfredo ‘Albee’ Benitez nga ipatuman nagid ang deadline sang Bacolod City Legal Office nga pagpahalin sa mga tenants sa Manokan Country.
Sa statement ni Bacolod City Mayor Alfredo ‘Albee’ Benitez, nagakaigo na ang ginpatigayon nga information dissemination gani sila ang indi na maghatag sang extension.
Nahibaluan nga nagpanaog sang notice ang Bacolod City Legal Office nga ang mga tenants ang tubtob na lamang sa Hulyo 5, bangod suguran na sang SM Prime Holdings Inc. ang rennovation.
Nagpadala man sang notice nga nagapahanumdom sa mga vendors nga ipasa ang listahan sang mga luyag magkapwesto sa temporary location, apang ini ang naglapse na sang Hunyo 20 nga wala sang bisan isa nga nagpasa sang pangalan.
Panindugan ni Benitez, nga natuman na nila ang legal nga pamaagi.
Bangod wala sang nagpasa sang pangalan, ang ciudad ang magaformulate na lamang sang proseso sa pagpili sang mga luyag makakuha sang pwesto sa temporary location.
Paathag sang alkalde nga madamo sang mga nagapamangkot kag luyag makakuha sang pwesti sa pagbaligya luwas sa mga tenants sang Manokan Country.
Apang apisar sini, ginpasalig ni Benitez nga kun may tenant nga luyag maka-angkon sang pwesto ini ang mangin prayoridad man nila.
Ang mga tenants man ang mangin prayoridad sa pwesto kun mahuman na ang bag-o nga Manokan Country.
Panindugan sini nga luyag nila nga mapreserve ang heritage sang Manokan Country gani dapat ma-imprubar.
Nagapati si Benitez nga may ikasarang ang SM Prime Holdings Inc. sa pag-enhance kag upgrade sang pasilidad sang Manokan Country.
