Bacolod City Mayor Albee Benitez, preparado na sa State of the City Address bwas sa hapon

Preparado na si Bacolod City Mayor Alfredo ‘Albee’ Benitez sa patigayunon nga State of the City Address (SOCA) alas-5:00 bwas sa hapon.

Ginabanta sang alkalde nga magadangat sa isa ka libo tubtob 1,500 ang mangin bisita sa ikaduha nga SOCA.

Paathag ni Benitez nga mangin kaangay man sa nakaligad nga tuig ang set-up sang SOCA nga special session set-up.

Talakayon sa SOCA ang mga napatuman nga proyekto kag programa sa ciudad, mga pending nga programa kag ang target nga pakadtuan.

Ang aktibidad ang tambungan sang mga stakeholders sang ciudad kag ginalauman man ang pagtambong sang mga Punong Barangay kag Konsehal.

Suno kay Benitez, siya ang nagkuha sang program director gikan sa Manila.