Wala pa sang may nabaton nga formal complaint ang opisina ni Bacolod City Mayor Alfredo ‘Albee’ Benitez halin sa Office of the Ombudsman angot sa nagalapta nga balita nga may ginpasaka nga criminal kag administrative complaints batok sa alkalde.
Suno kay Bacolod City Mayor Alfredo Benitez, nakibot na lamang ini nga may yara sang dokumento nga nagalibot sa social media kasubong man sa mainstream media nga may yara sang kaso nga ginfile batok sa iya kag sa mga miyembro sang Sangguniang Panlungsod.
Nabutang sa dokumento nga ang complainant amo si Roger Ledesma, residente sang ciudad sang Bacolod samtang ang ginreklamo naman amo si Mayor Benitez kag Councilors Al Victor Espino, Jude Thaddeus Sayson, Israel Salanga, Cindy Rojas, Em Ang, Vladimir Gonzales, Simplicia Distrito, Celia Flor, Psyche Marie Sy, Jason Villarosa kag ABC President Lady Gles Gonzales Pallen kag SK President Ayesha Joy Villaflor.
Ang dokumento sang reklamo ang nareceive sang March 13, 2025 sang Office of the Ombudsman.
Ang kaso nga tuyo ipasaka amo ang anti graft and corrupt practices act entering to a contruct that is grossly disadvantageous to the government.
Suno kay Benitez, ang mga alegasyon amo ang kasunod sang pagbakal sang ciudad sang duta sa Barangay Granada.
Suno sa alkalde, politically motivated ini bangud gintiniod gid nga tyempo sang election.
Dugang pa sini ang tanan nga propedad nga ginbakal sang ciudad ang may yara sang kaso.
Suno diri, ang nasambit nga kaso ang una nga ginpasaka batok sa alkalde nga nagsaka sa Ombudsman.
Ginpahayag man ni Benitez nga wala pa ini sang nabaton nga hard copy sang kaso nga ginfile batok diri.
Ang duta nga ginareklamo ang ginbakal sang ciudad sa P1300 per square meter kag nagalapad sang masobra 70 hectares kag ini ang para sa Land Banking sang ciudad kag para sa iban pa nga developmental project.
Sang Enero ang City Legal Office ang nagpakita sang mga dokyumento sa pagbakal sang duta kag ang Department of Agrarian Reform ukon DAR nga ang duta ang indi covered sang Comprehensive Agrarian Reform Program (CARP).
