Daog sa score nga 2-1 si Bacolod City Mayor Alfredo “Albee” Benitez batok kay “The Magician” Billiards legend Efren ‘Bata’ Reyes sa isa ka exhibition match nga ginpatigayon kahapon.
Sa exhibition match sa billiard doubles magkaupod sanday Reyes kag Benitez batok kanday Django Bustamante kag Bacolod City Councilor Jason Villarosa.
Nagdaog sa doubles sanday Bustamante kag Villarosa sa 5-2 nga score.
Ginkalipay ni Bustamante ang liwat nga pag-imbitar sa iya sang ciudad para magpasakop sa Billiards amo nga ginalauman sini ang liwat nga imbitasyon sa masunod nga tuig.
Suno diri, husto ang akomodayson nga ginhatag sang ciudad sa ila ilabi na nga natilawan sini ang inasal nga manok sang Bacolod.
Pahayag ni Bustamante, kun kaisa sa hampang naga-gana ang magic apang kun kaisa naman nagakapaso.
Apang, importante para sa iya amo nga nag-enjoy ang mga tawo nga naglantaw sa ila exhibition games.
