Ginpangunahan sang bise alkalde sang Bacolod City ang aktibidad nga pagpasidungog sa mga baganihan sa Araw ng Kagitingan nga ginpatigayon sa Bacolod City Government Center.
Ginaselebrar subong nga adlaw ang ika-81 nga Araw ng Kagitingan sa tema nga Kagitingan ng mga Beterano, Pundasyon ng Nagkakaisang Pilipino.
Ini ang gintambongan nanday Vice Mayor El Cid Familiaran, Councilor Pao Sy, Councilor Celia Flor, Councilor Vladi Gonzales, Department of Eduaction officers, boy scout of the Philippines, Bacolod City Police Office, empleyado sang siyudad kag mga punong barangay sa syudad sang Bacolod.
Samtang, ginkasubo naman sang opisyal sang Veterans Federation in the Philippines nga wala sila nakabaton sang assistance gikan sa siyudad.
Sa interview sang Bombo Radyo kay Retired Col. Jerson Juarez sang Veterans Federation in the Philippines, ang selebrasyon sang Araw ng Kagitingan ang nagahatag sang pasidungog sa mga baganihan nga nangisog para sa nasyon.
Apang ginkasubo sini nga wala man lang sila sang may nabaton nga pensyon, aid ukon assistance gikan sa siyudad.
Suno dir,i may yara sang City Ordinance nga nagatalana sang budget nga ihatag bilang assistance sa mga beterano kag sa masobra 600 ka mga beterano, duha na lang ang nabilin diri apang wala nakalab-ot sa mga veterans ang assistance nga kada tuig ginahatagan naman sang budget.
Nagpanugyan naman asi Juarez sa tagsa nga hatagan sang dungog ang mga beteran nga kun tani sila man ang hatagan sang atensyon.
Gintawag man sini ang atensyon sang mga lideres sang kapulisan kag pinuno sang gobyerno nga ingganyohon ang mga kabataan nga mangisog para sa isa ka nasyon nga may yara kita.
Suno kay Bacolod City Administrator Atty. Pacifico Maghari III, may pension ang mga beterano nagikan sa national government gani ila ini nga igaverify.
Suno diri, lantawon nila kun ano ang benepisyo nga ginabaton sang mga beterano agud nga makumparar man ini sa iban nga local government units.
