Magasapol si Bacolod City Mayor Alfredo Benitez sa mga market representatives angot sa rehabilitasyon sang merkado publiko sa Sabado.
Suno kay Bacolod City Administrator Atty. Pacifico Maghari, nga amu ang nagaserbi bilang acting mayor humalin Agusto 3 tubtub Agusto 5 samtang yara ang alkalde sa sa isla sang Boracay kaupod ang mga department heads para sa tatlo ka adlaw nga strategic planning kag budgeting workshop, pagbalik ni Benitez sa ciudad sa Sabado, magasapol ini sang mga vendors representative kag local market committee ala 1:00 sang hapon.
Suno kay Maghari, ini agud istoryahan ang pila ka mga problema sa merkado lakip na ang mga nagarenta sang stall nga wala nagabayad.
May mga reports man nga nabaton ang ciudad nga may mga illegal nga nagagamit sang kuryente kag ang city government amu ang nagabayad.
Sa karun suno sa iya, ila pa ginatun-an kun tubtob sa ano ang ila icondone kag kun magcondone gid man, ipaagi ini sa ordinansa.
Suno diri, ang indi pagbayad sang renta sang mga stall owners ang may dako nga bahin sa madula sa operating expenses sang ciudad kag isa sa mga konsiderasyon amu ang paghatag sang amnesty agud sila ang ma-update.
Ginalantaw man suno kay Maghari kun sarang nga makarestructure sang installment kaangay sang 3 gives kag 4 givers para sa mga stall owners.
