Ginahulat na lamang sang ciudad sang Bacolod nga maaprubahan ang authority to sign kag masuguran na ang pagtukod sang legislative building.
Suno kay Bacolod City Mayor Alfredo Albee Benitez, nalakip sa P4.1 billion nga Development Bank of the Philippines loan sang ciudad ang pagpatukod sang legislative building.
Suno diri, ang legislative building ang para sa mga konsehal sang ciudad nga patukuran sang session hall, mga opisina kag mga departamento.
Kasunod sa promisa sang ciudad nga sa kada project nga nakasulod sa DBP loan, dapat nga mapalab-ot ini sa council kag kun mag-abot na ang authority to sign sa alkalde, mapadala na ang notice to proceed sa project kag amo na nga maumpisahan ang pagtukod sang Legislative building sa likod sang Bacolod City Government Center.
