Tuyo sang alkalde sang Bacolod nga mahuman sa Oktubre ang 4 storey building nga may 200 units sa Yuhum Villlage sa Barangay Vista Alegre, Bacolod City.
Prayoridad nga maka-avail sa unit amo ang mga informal settlers sa ciudad illabi na ang nagapuyo sa flood prone kag fire prone area.
Ang luyag nga mag-avail dapat nga mag-apply sa PAGIBIG para sa subsidy nagikan sa gobyerno kag diri man maga-agi ang ila pagbayad sa unit.
Suno kay Bacolod City Mayor Alfredo Albee Benitez, ginapadali-an na sa mga contractors ang pagtukod sini nga sa bulan sang Setyembre pagasuguran man ang pagpatukod sang duha pa gid ka Yuhum Village sa Barangay Banago kag Barangay Estefania.
Suno diri, indi naman maglapaw sa P2,500 ang balayran sa kada bula sang mga maga-avail kag ini ang ila ma-impas matapos ang 30 ka tuig.
Pagabutangan man sang activity center ang Yuhum Village kaangay sang swimming pool kag plaza.
Plano man sang developer nga 50 percent lang sang property ang pagatukuran samtang 50 percent naman ang open space.
