Gin-athag ni Bacolod Mayor Albee Benitez nga wala sang plano nga magpadalagan bilang gobernador sang probinsya sang Negros Occidental ang iya bata nga si Victorias City Mayor Javi Benitez.
Suno kay Mayor Alfredo Benitez, nga ang paglibot ni Mayor Javi sa mga banwa kag syudad sang probinsya ang kabahin sang iya trabaho bilang presidente sang Association of Chief Executive – ACE Negros Occidental chapter.
Wala man sang ideya si Benitez sa mga naga-gwa nga sugilanon nga may yara sang luyag mag-kontra kay Governor Eugenio ‘Bong’ Lacson sa diin suno sa kay Mayor Albee nagapadayon nga mabaskug ang alyansa sang Love Negros kag Unega.
Dugang pa sang alkalde sang Bacolod nga padayon niya nga gina-suportahan si Governor Lacson kag ang ‘unity’ sang duha ka dalagku nga local political party sa Negros Occidental.
