Ginpanindugan ni Bacolod City Mayor Alfredo Benitez nga siya ang una nga persona nga indi maglapas sa kasuguan. Ini ang kasunod sang panawagan ni Negros Oriental 3rd District Rep. Arnie Teves sa Anti-Terrorism Council nga dapat ideklarar man si Benitez nga terorista bangud sila ang mag-abyan.
Suno kay Benitez, ang Terrorism Financing Preventive and Suppresion Act of 2012 ang nagasiling nga ang sin-o man nga tawo, asosasyon ukon kompaniya nga direkta ukon indi direkta nga naga-deal sa designated terrorist ang subject sa certain penalties.
Ang pinakatayog nga penalty para diri amo ang reclusion perpetua gani indi ini ordinaryo nga dealings nga masabat niya base sa nakaprint ukon ginpamangkot.
Gintawgan man ni Benitez si Justice Secretary Boying Remulla kahapon kag nagpanugyan ini nga iaddress ang amo nga bagay sa proper forum.
Nabatian man sang alkalde ang alegasyon angot sa business dealings nga ginatumod ni Teves apang wala ini sang uyat nga papel nga nagaspecify ukon naga-indicate sang anuman nga asosasyon.
Suno sa iya, wala sang papel nga makalink sa iya sa ginamensyunar ni Teves.
Apang kun may ginmensyunar man si Teves suno sa iya, ini ang igaaddress kaupod ang Department of Justice bangud ini ang proper authority nga magahandle sini.
Suno sa local chief executive, lain na ini nga sitwasyon ukon sirkumstansya. Suno kay Benitez, magkaupod sila ni Teves sa Visayan bloc ukon grupo sang mga kongresista sa Visayas region halin sang tuig 2013 tubtub 2016 kun sa diin aktibo nga miyembro ang Negros Oriental congressman, apang lain na ang sirkumstansya sa karon.
Aminado ang alkalde nga heartbreaking para sa iya nga makit-an ang sitwasyon apang ini ang ginamandu sang layi nga dapat sundon.
Bangud sini, igaaddress ini sang Bacolod City mayor sa proper forum kag magapangayo ini sang giya sang proper authority bangud indi ini lango-lango. Iya man ginpasalig ang 100 porsyento nga kooperasyon sa proper authorities.
