Suportado sang alkalde sang Bacolod City ang ginatun-an sa karun sang Department of Education nga pagbalik sang summer vacation sa bulan sang Abril kag Mayo.
Sa interview sang Bombo Radyo kay Mayor Alfredo Benitez, kun madeterminar nga makahalit sa mga estudyante ang tuman ka init nga tiyempo samtang nagaklase, ila pagasuportahan ang pagpabalik sang summer vacation sa bulan sang Abril kag Mayo.
Ginakabig man sini nga maayo ang suhestiyon sang ahensya kag kun may yara sang oportunidad, ginpahayag sang alkalde nga testingan sini nga i-mitigate ang ila conditions.
Sa bahin naman sang mga school nurse, nagapati si Benitez nga ang ila nga rate amu ang problema.
Suno diri, posible nga pasakaan ang rate sang mga school nurses agud nga ma-attract ang mga ini nga magtrabaho sa mga buluthuan.
