Nagapadayon ang meeting sang transition team ni Bacolod City mayor-elect Albee Benitez bilang preparasyon sa smooth nga transfer of power sa Hunyo 30 sang udto.
Sa interview sang Bombo Radyo kay Bacolod City Lone District Congressman Greg Gasataya nga amo ang pinuno sang transition team ni Benitez, pila man ka meetings ang napatigayon antes nagbiya si Gasataya sa Bacolod kahapon.
Ginsapol naman ang mga pinuno sang departamento sa Bacolod City Government Center kag iban pa opisyales nga magaserbe sa city government bilang coterminous kay Benitez.
Suno diri, isa sa ginaprayoridad sang incoming administration ang smooth transition nagikan sa incumbent.
Wala man sang kabudlayan nga nasugata ang Benitez transition team apang ginalauman sang grupo nga masumiter ang mga dokyumento kun sa diin makit-an kun pila ang budget nga nabilin sa tuig 2023 agud mahibaluan kun paano ini gamiton.
Nagalaom naman ang mga ini nga maka-arrange sang meeting sa transition team sang Leonardia administration.
Ginpanindugan naman ni Benitez nga ma-hire lamang sang kinahanglanon nga numero sang job order casuals.
May yara man sang iga-retain apang ang ila kontrata sa Leonardia administration ang magaexpire sa Hunyo 30.
Sa karon, indi pa mahambal kun pila ang iga-hire nga JO ni Benitez apang ini ang magadepende sa available sa pondo nga nabilin sa concerned nga departmento.
