-- ADVERTISEMENT --
Nag-upod sa pag-inspect si Bacolod City Mayor Greg Gasataya sa una nga adlaw sang clearing kag dredging operations sa Mambulok Creek kahapon.
Suno sa alkalde, ginkuha ang tanan nga basura agud malimpyohan ang creek kag madasig ang pag-ilig sang tubig agud malikawan ang pagbaha.
Nagpatigayon man sang information campaign ang Bacolod Environment and Natural Resources Office (BENRO) sa mga pumuluyo sa insakto nga paghaboy sang basura bangod nagapati ang alkalde nga bisan ano ka panglimpyo sang ciudad kag pagbutang sang teknolohiya, wala ini sa gihapon sang epekto kun wala nagakooperar ang mga tawo.
Sa karun temporaryo anay nga ginpakakas ang catch net kag ini ibalik kun malimpyo na ang Mambulok Creek.
