Bacolod City Mayor Greg Gasataya ginapapangita ang mga nagkaladula nga drainage sa Brgy Banago agud marestore

Luyag ni Bacolod City Mayor Greg Gasataya nga marestore ang mga drainage nga indi na sa karun makit-an sa sakop sang area sang bodega ka asinan sa Brgy Banago, Bacolod City.

Suno sa alkalde, sang tinalikdan may ginbakbak na sa bahin sang bodega sang asin agud maka-ilig ang tubig pagwa sa baybay.

Suno diri, may yara pa sang duha ka existing nga drainage nga dapat gud marestore.

Pahayag sang alkalde, kun makit-an ang mga drainage nagpasalig man ang management sang bodega sang asin nga mabulig sa pag-restore sini.