Ginpasiguro ni Bacolod City Mayor Greg Gasataya sa IPM nga masunod ang ruta kag schedule kag pag-establishar sang hotlines para mahapos sila matawagan.
Bacolod City Major Greg Gasataya
Suno sa alkalde, kun kaisa wala ginasunod ang schedule sang pagkolekta sang basura, amo nga sak karun i-implement ang daily collections.
Magakoordinar man ini sa mga barangay agud kuhaon ang ila schedule.
Plano man sang alkalde nga magdihon sang route plan agud maschedule sang IPM ang pagkuha sang basura sa mga commercial establishments kag pagtutok sa pagkolekta sang basura sa mga subdivion sa ciudad kun ano nga adlaw makolkta kag ano nga oras.
Pahayag ni Gasataya, dapat mag-establish man sang hotline agud macater sang IPM ang mga complaint kag suhestyon sang mga pumuluyo.
Samtang, plano naman ni Bacolod City Councilor Homer Bais, chairperson sang Committee on Environment and Ecology nga ireview ang kontrata sang IMP kag sang ciudad.
Suno sa konsehal, lantawon sini kun ano ka accurate ang ginakolekta nga basura kun ini bala nakalab-ot sa 400 tons per day nga dapat makolekta.
Suno diri, lantawon sini kun ano oras gina-dump ang basiura kag kun pila ka salakyan kada adlaw ang nagalibot para magkuha sang basura.
