Ginalauman ni Bacolod City Mayor Greg Gasataya nga matutokan ang pagtapna sang illegal nga druga sa ciudad sa pagpungko sang bag-o nga officer in charge sang Bacolod City Police Office (BCPO).
Natigayon na ang turnover of command ceremony sa paghalin ni Police Colonel Joeresty Coronica kag pagbulos ni Police Colonel Eugene Rebadomia.
Suno sa akalde, ginalauman sini nga matutokan ang illegal nga droga kag ang mga wala nasolbar nga kaso.
Suno diri, bentaha nga Bacolodnon ang bag-o nga City Director bangod mas nakahibalo na ini sang nagakatabo sa ciudad kag pamilyar na ini sa area.
Apang, gin-athag sini nga tanan nga ginrecommend ang lunsay qualified apang para sa iya mas advantage kun pamilyar na sa ciudad ang City Director.
Nagpasalig naman ini nga padayon nga magasuporta ang City Government sa BCPO.
