Ginmanduan sang alkalde sang Bacolod City nga ang Bacolod City Disaster Risk Reduction Management Office (DRRMO) nga tsekyaron ang ang tanan nga rescue personnel sang mga Barangay nga may ambulansya agud masiguro nga may yara sila sang ihibalo sa husto nga pagresponde sa tion sang emerhensya.
Ini kasunod sang video nga nag-trending online nga indi husto ang handling sang mga rescuers sa isa ka lalaki nga ila ginrespondehan matapos nagluntad ang aksidente.
Sa interview kay Bacolod City ayor Greg Gasataya, sang tinalikdan nga tuig nakapatigayon na sila sang training sa tanan nga may ambulansya sa Emergency Medical Services.
Suno kay Gasataya sang Mayo nagpadulong sa ciudad ang Barangay Sum-ag kag ang problema sang mga ini nga wala sila sang ambulansya bangud madamo sang nagakatabo.
Bangud sini ang isa ka ambulansya sang ciudad ang ginsaylo didto agud nga may magamit ang mga ini.
Suno sa alkalde ang instruction sini kay Dr Maria Laarni Pornan nga ipatawag ang tanan nga Barangays kag tsekyaron ang tanan nga nagasakay sa ambulansya.
Suno diri kay nakapatigayon na sila sang training sang tinalikdan nga tuig dapat ang mga personnel sang Barangay nga nagasakay sa ambulansya ang equipped na ang mga ini sang kinahanglan nga skills.
Ginpahayag man sini nga ipatsekyar ang tanan nga nagasakay sa ambulansya sa mga Barangay agud nga masiguro nga sila ang nakapaidom sa training kag kun wala pa mahimo ang ciudad sang proactive effort kun sa diin may lima ka empleyado kada departamento sa City Government para sa Emergency Medical Service.
