Nagnegatibo sa ginpatigayon nga voluntary drug testing si Bacolod City Mayor Greg Gasataya.
Si Gasataya ang opisyal na nga nagpungko bilang ika-44 nga alkalde sa ciudad sang Bacolod sumugod alas-12:00 subong nga udto.
Antes sini, ginpangunahan ni Mayor Greg ang voluntary drug testing, nga nagaserbe challenge sini sa mga Job Order employees nga boluntaryo man nga magpadrug test.
Ini ang magaserbe nga pagpakita sang intension nga luyag makabahin sa panibag-o nga administrasyon.
Paathag ni Gasataya nga antes ang pagsugod sang iya termino, luyag sini nga mapaidalom sa drug test ang tanan nga executive assistant nga iya i-appoint kasubong man ang mga co-termino officials kaangay sang City Administrator, City Legal Officer kag iban pa.
Apang paathag sini nga boluntary ang pagpakigbahin sa drug test, indi mandatory.
