Proud si Bacolod City Mayor Greg Gasataya sa performance sang mga kabataan nga nagcompete sa Masskara Arena and Street Dance Competition- school category.
Sa interview sang Bombo Radyo kay Bacolod City Mayor Greg Gasataya, iya ginacongratulate ang tanan nga nagrepresenta sa ila distrito.
Suno diri, nakita sini mismo ang emosyon sang mga kabataan nga tuman ang kalipay bisan ginakapoy kag basa sa ulan.
Iya ginkalipay nga liwat nga nabalik ang school category sa Arena and Street Dance Competition kun diin sila makapakita sang ila talento.
Samtang, luyag sang alkalde nga mastimprano pa umpisahan ang preparasyon para sa competition sa masunod nga tuig.
Pahayag ni Gasataya, para sa iya ang performance sang mga kabataan sa school category, kaangay nga iya na sang Brgy category.
