Nagpatigayon sang Thanks Giving visit sa Bacolod City Police Office si outgoing Bacolod City Mayor kag Bacolod City Lone District Representative Alfredo “Albee” Benitez kahapon.
Sa mensahe ni Bacolod City Police Office Director Police Col. Joeresty Coronica, ginpasalamatan sini ang alkalde sa tanan nga mga proyekto nga natigayon para mabuligan kag mapaayo ang operasyon sang BCPO.
Ginpasalamatan man Coronica ang ginpakita nga compassion sang alkalde sa tanan nga Men and Women in Uniform.
Dugang pa sang City Director nagapasalamat man ini sa tanan nga logistical supports kag mga infrastructure upgrades.
Sa tatlo ka tuig nga nagpungko bilang alkalde sang Bacolod City si Benitez nagdangat sa P111,965,933 ang nabulig sang ciudad sa Bacolod City Police Office.
Suno kay Coronica, importante ka tama ang suporta sang Local Government Unit kag nakahibalo ini nga wala pa diri natapos ang paghatag sang suporta sang Bacolod City Government bisan pa nga magabiya na si Benitez kag pagabuslan na ni Bacolod City Lone District Representative kag Bacolod City Mayor Elect Greg Gasataya.
Sa speech ni Benitez, ginpahayag sini nga nagakadapat lamang nga mahatagan sang suporta ang mga kapulisan.
Suno kay Benitez, bilang balik sa pagrisgo sang Men in Uniform adlaw adlaw agud nga mapabilin ang kalinong kag katawhayan sa ciudad ang pinaka-least nga mahatag amo ang suporta nagikan sa City Government.
Suno kay Benitez, nalipay ini nga antes paman ini magpanaog bilang alkalde sang ciudad natigayon nga sini nga mainagurahan ang patindugon nga bag-o nga building sang Bacolod Police Station 3.
Suno diri nakumpleto naman sa mga papeles kag funding ang patindugon nga bag-o nga building sang police station.
Suno kay Benitez, nagapati nga kun kumpleto ang mga kapulisan sang maayo nga pasilidad mahimo sang mga ini sang maayo ang ila nga mga trabaho agud malab-ot ang safe nga ciudad.
Nagpasalig man ini nga mapadayon ang ginahatag nga suporta sang ciudad sa BCPO.
