22 porsyento na lamang sang budget sang Bacolod City Mayor’s Office ang nabilin agud gastuhon humalin sa bulan sang Hunyo tubtob sa katapusan sang tuig 2022.
Suno kay Atty. Bong Dilag, spokesperson ni Mayor Alfredo Benitez, sang bulan sang Mayo, ang balance sang City Mayor’s Office sa idalum sang administrasyon ni former Mayor Evelio “Bing” Leonardia ang yara sa P160,661,275.28 apang as of June 2022, yara na lamang sa P78,445,475.28.
Suno kay Dilag, yara sa P82 million ang difference sa bulan sang Mayo kag Hunyo.
Kun idivide suno sa iya ang P82 million nga gingasto sang City Mayor’s Office sa 30 ka dias sa bulan sang Mayo, ang CMO ang nakagasto sang kapin P2.9 million kada adlaw.
Wala naman ini nakahibalo kun para lamang ini sa gasto sa job order apang nagapati ini nga para na ini sa kabilugan nga gasto sang CMO apang tuman gid kadako sang margin.
Suno sa tagpamaba, ila paiguon kag kini-kinion ang nabilin nga P78.4 million nga budget sang City Mayor’s Office tubtob sa katapusan sang tuig.
