45 ka panibag-o nga kaso sang coronavirus disease ang narekord sa ciudad sang Bacolod samtang 35 naman sa Negros Occidental. Sa COVID-19 Regional Case Bulletin No. 148 nga ginpagwa sang Department of Health Western Visayas kahapon, 104 ka mga kaso ang nagdugang sa rehiyon kun sa diin 101 ang local cases, duha ang returning overseas Filipino kag isa ang authorized persons outside residence.
56 ka mga recoveries ang nagdugang kun sa diin duha ang nagikan sa Capiz, 17 sa probinsya sang Iloilo, lima sa Negros Occidental kag 32 sa Iloilo City.
Wala naman sang may narekord nga nagtaliwan bangud sa balatian kahapon.
Sa latest nga data, ang Negros Occidental ang nakarekord na sa 310 ka mga local cases kag 621 ka mga ROF, LSI kag APOR gani nagdangat na ang kabug-usan nga kaso sa probinsya sa 931.
Samtang, may yara sang 491 ka mga local case sa ciudad sang Bacolod kag 205 nagikan sa ROF/LSI kag APOR kag may kabug-usan nga 696.
Santo sa case bulletin, ang mga naga-edad 21 tubtob 30 anyos, lunsay sa mga babaye kag lalaki, ang pinakaapektado sang coronavirus.
