Naga-isahanon nga Highly Urbanized City sa Western Visayas ang ciudad sang Bacolod nga nakakuha sang national Seal of Good Local Governance (SGLG) Award 2024.
Suno kay Christian Nagaynay, Department of the Interior and Local Government (DILG) – Bacolod Head, liwat nga nangin awardee ang ciudad sang Seal of Good Local Governance.
Suno diri, may yara sang napulo ka governance areas nga dapat mapasar ang isa ka Local Gocvernment Unit antes ini makakuha sang SGLG Award.
Ini ang ginalakipan sang Financial Administration and Sustainability, Disaster Preparedness, Social Protection and Sensitivity, Health Compliance and Responsiveness, Sustainable Education, Business-Friendliness and Competitiveness, Safety, Peace, and Order, Environmental Management, Tourism, Heritage Development, Culture, and Arts, kag Youth Development.
May yara sang makuha nga incentive fund ang awardee apang wala pa nahibaluan kun pila ang mabaton sang ciudad.
Madumduman nga nakaligad nga tuig nakabaton man sang amo nga award ang ciudad kag nagbaton sang P2.3 million incentive fund gikan sa DILG.
