-- ADVERTISEMENT --
Nagapabilin sa green category ang ciudad sang Bacolod apisar nga may ginreport sadto nga may nakita nga ginapatihan nga armado nga grupo nga sang damlag sa area sang Bacolod Police Station 10.
Sa interview sang Bombo Radyo Bacolod kay Bacolod Election Officer Atty. Revo Sorbito, wala na sang presensya sang mga armado nga grupo sa ciudad sang Bacolod santo man sa report sang Bacolod City Police Office.
Suno kay Sorbito santo sa ginpatigayon nga City Joint Security Control Center Coordinating Conference nga ginpatigayon sang Enero 10, wala sang namonitor nga bagay nga makaapekto sa election category sang Bacolod City.
Nagapabilin nga yara sa green category ukon wala sang nakabig nga security threat karon nga nagsugod na ang election period.
