Nagpatigayon sang pila ka programa ang Bacolod City Government sa pagselebrar sang ika- 87th Charter Anniversary sang Bacolod City.
Kapin alas- 6:30 kaina sang aga, may ginpatigayon nga mobile parade ang pila ka departamento kag ahensya sa ciudad.
Kasunod sini may yara sang prgrama nga ginpatigayon sa Bacolod City Government Center.
Ginpangunahan ni Department of Social Services and Development Head Dr. Ritchell Verdeprado Mangga ang Opening remarks kag ginsundan sang paghatag sang mensahe ni Councilor Jason Villarosa kag ang closing remarks naman ang ginpangunahan ni Public Order and Safety Office head Retired General Primitivo Tabujara.
Subong nga hapon may yara sang awards nga ihatag sa mga outstanding taxpayers, outstanding employees, Be the Change Award kag Banwahanon award.
Sa mensahe ni Councilor Villarosa, nagapasalamat ini kay Bacolod City Mayor kag Bacolod City Lone District Representative elect Alfredo “Albee” Benitez sa nahimo sini para sa ciudad sang Bacolod kag nagpasalig nga padayunon ni Mayor-elect Greg Gasataya ang handum nga mangin super city ang ciudad sang Bacolod. Samtang… ginakonsiderar ang paghatag sang monetary reward sa mga awardee sang ‘Be The Change’ sa 87th charter day sang Bacolod City.
Suno kay Bacolod City Mayor kag Congressman-elect Alfredo “Albee” Benitez, may yara sang duha nga makabaton sa banwahanon award kag walo sa ‘Be the Change’- apat sa special citation kag 4 sa ‘Be the Change’ award.
Suno diri, ginakonsiderar ang paghatag sang monetary reward apang ginakahangawa man sini nga basi lagson lang sang tawo ang award sa paghimo sang insakto nga paminatasan para sa ciudad.
Paathag sini nga gindisenyo ang ‘Be The Change’ indi lamang sa pagbag-o sang ciudad apang amo man ang paminatasan sang tawo.
Para kay Benitez, mas maayo ang recognition bangod diri marecognize ang ginahimo sang tawo nga maayo nga amo man ang sundon sang iban.
